Şeydayev və Quliyevin komandası Avropa çempionatının yarımfinalında!

Yunanıstanda 19 yaşadək futbolçulardan ibarət milli komandalar arasında keçirilən Avropa çempionatında qrup mərhələsinə yekun vurulub. Futbolxeber.az-ın məlumatına görə, “Ölüm qrupu” adlanan “B” qrupunda yarışan komandaların hamısı yekunda eyni xal (4) toplayıb. Son turda Rusiya Almaniya ilə 2:2-lik, İspaniya isə Hollandiya ilə 1:1-lik heç-heçəyə nail olub. Bu nəticə ilə Rusiya yığması qrupu lider kim başa vurub. İspaniya isə ikinci yeri tutaraq, yarımfinala adlayıb.

Almaniya ilə görüşdə Rusiya millisinin hər iki azərbaycanlı futbolçusu - Ramil Şeydayev və Ayaz Quliyev 90 dəqiqə meydanda olub. Ötən tur İspaniyanın qapısına yol tapan Şeydayev, bu dəfə sarı vərəqə ilə cəzalanıb.

Qeyd edək ki, yarımfinalda Rusiya meydan sahibi Yunanıstanla, Fransa isə İspaniya ilə üz-üzə gələcək.