Əvvəl Qurban Qurbanov, sonra Mirko Mariç

Çempionlar Liqasının II təsnifat mərhələsi çərçivəsində baş tutacaq “Qarabağ” (Azərbaycan) - “Rudar” (Monteneqro) qarşılaşması öncəsi baş tutacaq mətbuat konfansının vaxtı məlum olub. Futbolxeber.az-ın məlumatına görə, iyulun 14-ü saat  19:30-da ilk olaraq “Qarabağ”ın baş məşqçisi Qurban Qurbanov media nümayəndələrinin önünə çıxacaq. 19:45-də isə Ağdam klubunun oyunöncəsi son məşqi baş tutacaq.

“Rudar”ın çalışdırıcısı Mirko Mariçin mətbuat konfransı isə 21:00-da baş tutacaq. 21:30-da “Rudar” oyunöncəsi sonuncu məşqinə çıxacaq.

Qeyd edək ki, “Qarabağ” - “Rudar” qarşılaşması iyulun 15-i saat 21:30-da Tofiq Bəhramov adına Respublika stadionunda baş tutacaq.