“Qəbələ” Serbiyada uduzmayacaq

Avroliqanın II təsnifat mərhələsinin ilk oyunu çərçivəsində baş tutacaq “Çukariçki” - “Qəbələ” oyununu rumın Radu Marian Petresku idarə edəcək. Futbolxeber.az-ın məlumatına görə, 33 yaşlı rumın hakim artıq 3 ildir ki, FİFA referisi adını daşıyır. O, doğma dili ilə yanaşı ingilis və ispan dillərini də bilir. Petreskunun hobbisi kitab oxumaq və tennisdir.

Rumın hakim bu günə kimi Azərbaycan klublarının və millimizin oyunlarını idarə etməyib. Petresku ilə bağlı maraqlı bir statistika diqqət çəkir. Belə ki, rumın referinin bu günə kimi Avroliqa və Çempionlar Liqasında idarə etdiyi oyunların heç birində meydan sahibləri qələbə qazanmayıb. Bu günə kimi Petresku ÇL-də 1, Avroliqada isə 2 matçda fit çalıb. Həmin görüşlərin 2-si qolsuz heç-heçə ilə tamamlanıb. 1 oyunda isə qonaqlar 1:0 hesablı qələbəyə sevinib.