"İstəyimiz mərhələ adlamaqdır”

“İlk növbədə hamınızı salamlayıram. Zalda xeyli insan görürəm və bu çox xoşdur. Yaxşı olardı ki, birbaşa sual-cavaba keçəcək”. Futbolxeber.az-ın məlumatına görə, bu sözləri “Qəbələ”nin baş məşqçisi Roman Qriqorçuk deyib.

Sabah Avroliqanın birinci təsnifat mərhələsinin ilk oyunu çərçivəsində “Qəbələ” sabah Tiflisdə “Dinamo”nun qonağı olacaq. “Qəbələ”nin çalışdırıcısı hazırdan Gürcüstan paytaxtında oyunöncəsi mətbuat konfransı keçirir.

Ukraynalı mütəxəssis “Dinamo”nun çalışdırıcısının “hər iki oyunda qalib gəlmək istəyirik” fikrinə belə münasibət bildirib: “Rəqib baş məşqçiyə cavab vermək istəməzdim. Çünki ona hörmətlə yanaşıram. “Dinamo” çox yaxşı oyun sərgiləyir. Komandanın çalışdırıcısı çox savadlı mütəxəssisdir. Mən yalnız öz məqsədimiz bardə danışmaq istəyirəm. Bizim istəyimiz növbəti mərhələyə adlamaqdır. İndiki halda yalnız sabahkı görüşü düşünürəm”.