Norveçin baş məşqçisi: "Bu nəticə ürəyimizcə deyil”

"Rəqibin bu taktika ilə oynayacağını gözləyirdik. Bilirdik ki, rəqib daha çox müdafiədə oynayacaq". Futbolxeber.az-ın məlumatına görə, bu sözləri Norveç yığmasının baş məşqçisi Per-Matias Hoqmo deyib.

AÇ-2016-nın seçmə mərhələsi çərçivəsində bu gün keçirilən Norveç-Azərbaycan matçından (0:0) sonra təcrübəli mütəxəssis mətbuat konfransı keçirib.

Hoqmo bildirib ki, nəticə onları razı salmır: "Bu nəticə ürəyimizcə deyil. Bakıdakı oyunda 3-4 qol imkanımız olsa da, birini dəyərləndirə bilmişdik. Bu gün isə 7-8 qol epizodu yaratdıq. Lakin bunların heç birindən faydalana bilmədik" (apasport.az).