Sxadadze: “İnter”in futbolçularının maaşları ödənilməsə, bu, Azərbaycan futboluna zərbə olacaq”

“İnter”in baş məşqçisi Kaxaber Sxadadze klubun gələcək taleyi haqda danışıb. Gürcü mütəxəssis Futbolxeber.az saytına açıqlamasında “bankirlər”in vəziyyətinin tezliklə düzələcəyinə inandığını bildirib: “Ötən həftənin cümə günü Cahangir Hacıyevlə görüşdüm. Mənə dedi ki, vəziyyət düzələcək, futbolçuların pulları ödəniləcək. Amma dəqiq tarix söyləmədi. İndiyə kimi “İnter” heç bir futbolçuya borclu qalmayıb. Fikrimcə, bundan sonra da qalmayacaq. Futbolçuların haqq etdiyi maaşlar ödənilməsə, bu, klub və Azərbaycan futboluna ciddi zərbə olacaq. Cahangir bəy mənə söz verib. Mən isə ona inaniram, həmişə də inanmışam”.