Kaxaber Sxadadze və legionerlər “İnter”in düşərgəsini tərk etdi

“Uşaqlardan xahiş etmişdim ki, “İnteri”n sukani arxasında keçirdiyim sonuncu oyunda mənə qələbə bəxş etsinlər. Xahişimi yeə salmadıqları üçün hər birinə minnətdarlığımı bildrirəm”. Futbolxeber.az saytına açıqlamasında bunu “İnter”in baş məşqçisi Kaxaber Sxadadze deyib

Gürcü mütəxəssis bildirib ki, çempionatın son turunda “İnter”i meydana başqa məşqçi çıxaracaq: “Sabah (bu gün-red.) Gürcüstana uçuram. “İnter”i son turda “Sumqayıt”la oyuna baş məşqçi çıxaracaq. Mənimlə yanaşı, bir çox əcnəbilər də vətəninə yollanır. Kim evinə getmək istəyirsə, hamısına icazə vermişəm. Sonuncu turda əsasən gəncler forma geymək şansı qazanacaq”.