Georgi Çixradze: “Heç bir iddiamız yoxdur”

“Hazırda bizim heç bir iddiamız yoxdur. Odur ki, meydançaya motivasiyasız çıxmışdıq”. Futbolxeber.az-ın məlumatına görə, bu sözləri AZAL-a oyundan sonra “Simurq”un baş məşqçisi Georgi Çixradze deyib.

Gürcü mütəxəssis çempionatın bitməsini gözlədiklərini bildirib: “Çempionatı başa vurmaq üçün oynayırıq. Yəqin ki, son oyunda meydançada indikindən də daha çox gənc oyunçu  görəcəksiniz. Çalışırıq ki, heyətdə qalan oyunçulardan maksimum istifadə edək, onlara şans verək”.