Azərbaycan millisinin oyununun vaxtı otel çatışmazlığına görə dəyişdi ÖZƏL

21 yaşadək futbolçulardan ibarət komandalar arasında Avropa çempionatının seçmə mərhələsində Azərbaycan yığmasının səfərdə Farer adaları komandası ilə keçirəcəyi oyunun tarixi dəyişdirilib. Qarşılaşma, əvvəlcədən nəzərdə tutulduğu kimi, iyunun 15-də deyil, iyunun 17-də keçiriləcək. U-21-in baş məşqçisi Yaşar Vahabzadə Futbolxeber.az saytına müsahibəsində görüşün vaxtının dəyişməsinin səbəbini belə izah edib: “Oyunun vaxtının dəyişdirilməsi istəyi bizdən yox, rəqibdən gəlib. Farer adaları UEFA-ya müraciət edib. Səbəb otel problemidir. Həmin stadionda Farer adalarının əsas millisi də meydana çıxacaq. Meydan sahibləri otel probleminin yaşanmaması üçün belə addım atıblar. Onlar da istəyirlər ki, biz oynayacağımız şəhərdə yerləşən oteldə qalaq. Buna görə də UEFA Farer adalarının istəyini qəbul edib”.