“Xəzər Lənkəran” səhər məşqinə bir dəqiqəlik sükutla başladı

May ayının 22-də Sumqayıtda gənclik şəhərinin təmsilçisinin qonağı olacaq “Xəzər Lənkəran” Lənkərandakı hazırlığını tamamlayıb. Futbolxeber.az-ın klubun rəsmi saytına istinadən verdiyi görə, bu gün səhər məşqi saat 11-də başlayıb və komanda üzvləri ilk olaraq dünən Binəqədi rayonunda yerləşən 16 mərtəbəli binada baş verən yanğında həlak olmuş insanların ruhunu bir dəqiqəlik sükutla yad ediblər.

Hazılığa gəldikdə isə əsas meydançada baş tutan məşqdə zədəli futbolçular Ağabala Ramazanov, Sadio Tounkara və qapıçı Vyakeslav Tomiç də iştirak etməyib. AZAL ilə matçda hüşunu itirən Tural Cəlilov isə artıq komanda ilə birgə məşqlərdə fəal iştirak edir. Sabah Bakıya yola düşəcək komanda saat 18.00-da Sumqayıtda,oyunun keçiriləcəyi stadionda son məşqinə çıxıb oyun saatını gözləyəcək.