“Neftçi” Mirhüseyn Seyidovla müqaviləyə xitam verdi

Mirhüseyn Seyidovun “Neftçi”dən gedişi rəsmiləşib. Futbolxeber.az-ın məlumatına görə, bu haqda klubun rəsmi saytında yer alan xəbərdə deyilir:

- Futbolçu Mirhüseyn Seyidovun müraciəti nəzərə alınaraq, onunla bağlanmış müqaviləyə qarşılıqlı razılıq əsasında xitam verilib. “Neftçi” PFK yarımmüdafiəçiyə azad agent statusu verib. "Neftçi" PFK-nın yetirməsi olduğu və klubdakı nailiyyətləri nəzərə alınaraq, Mirhüseyn Seyidovun formasını itirməməsi üçün mövsümün sonuna kimi əvəzedici komandada məşq etməsinə şərait yaradılıb. Futbolçuya gələcək karyerasında uğurlar arzulayırıq.