Çeran: “Simurq”dan FİFA-ya şikayət edib, pulumu alacağam”

“Mən də çox qalmayacam. Sabah “Bakı” ilə keçiriləcək oyundan sonra komandanı tərk etməyi düşünürəm”. Futbolxeber.az-ın məlumatına görə, bu sözləri “Simurq”un hücumçusu Draqan Çeran deyib.

Serbiyalı forvard Zaqatala klubundan FİFA-ya şikayət edəcəyini bildirib: “Transfer vərəqəmi ala bilməmişəm. Buna görə də, FİFA-ya şikayət edəcəm. Başqa yolum yoxdu. Klub dağılmaq üzrədi, buna rəğmən rəhbərlik transfer vərəqələrimizi vermək istəmir. Həm transfer vərəqəmi, həm də pulumu alacağam. İki məktub yazıb, birini “Simurq” klubuna verəcəyəm, o birini isə FİFA-ya göndərəcəyəm. Bundan artıq gözləmək fikrim yoxdu. Tezliklə FİFA-ya müraciətimi edəcəyəm”.

Mənbə: apasport.az