"Azərbaycanda futbolun inkişafında braziliyalı oyunçuların rolu çox vacibdir"

 "Neftçi"nin futbolçusu Flavinyo ardıcıl üçüncü mövsüm çempion olmalarından danışıb. Futbolxeber.az-ın məlumatına görə, Flavinyo komandanın uğurunda braziliyalıların xüsusi rolu olduğunu qeyd edib: "Çempionatın əvvəlində komandamızın problemi var idi. Avropa Liqasının qrup mərhələsində çıxış etdiyimizdən Premyer Liqada zəif komandalarla matçlarda xallar itirirdik. Sonradan məğlubiyyətsiz 9 oyun keçirməklə vəziyyətimizi yaxşılaşdırdıq. Çempionluq qazandığımız əvvəlki 2 mövsümlə müqayisədə rəqabət bu dəfə daha böyük idi. Şübhəsiz ki, mübarizə gərginliyi ilə seçilirdi. Azərbaycanda futbolun inkişafında braziliyalı oyunçuların rolu çox vacibdir. “Neftçi” ölkədə ən çox braziliyalısı olan 3 komandadan biridir. Əminəm ki, komandamızın son 3 ildə qazandıqlarında braziliyalıların böyük xidmətləri var. Bu illər “Neftçi”nin tarixində ən yaxşı vaxtlardır”.