“Gələcəyin necə olacağını bilmirik”

“Oyun barədə danışmaq mənim üçün çox çətindir. Start fitindən sonra yaranmış vəziyyət artıq komandanın durumundan xəbər verir. Mənim üçün danışmaq ağırdır”. Futbolxeber.az-ın məlumatına görə, bu sözləri “İnter”lə oyundan sonra “Simurq”un baş məşqçisi Georgi Çixradze deyib.

Çixradze rəqibin daha istəkli olduğunu vurğulayıb: “Rəqib oyuna daha yaxşı köklənmişdi və bunun nəticəsidir ki, vacib qələbə qazandılar. Hazırkı vəziyyətdə biz gələcəyin necə olacağını bilmirik. Hələ ki, yolumuza davam edirik”.