Sxadadze: “Oyunu çox ağıllı qurmuşduq”

“Bu gün qələbə qazanmaq çox vacib idi. Görürsünüz ki, “Qəbələ” necə oyun sərgiləyir. Bütün bunları nəzərə alsaq, xal itirmək olmazdı”. Futbolxeber.az-ın məlumatına görə, bu sözləri AZAL-la oyundan sonra “İnter”in baş məşqçisi Kaxaber Sxadadze deyib.

Gürcü mütəxəssis lazım olan vəziyyətlərdə fərqlənə bildiklərini qeyd edib: “Oyunu çox ağıllı qurmuşduq. AZAL-ın 3 sürətli oyunçusu var ki, onlar əks hücuma əla çıxırlar. Biz də 3 mərkəz müdafiəçisi ilə oynayıb, AZAL tərəfdən gələ biləcək təhlükəni qarşılamış olduq. Daha sonra topu özümüzdə çox saxladıq və lazım olan vəziyyətlərdə qol vura bildik”.