AZAL-dan “Neftçi”yə cavab: “Biz qaydalara uyğun hərəkət etmişik”

AZAL-ın Mətbuat və İctimaiyyətlə Əlaqələr Departamentinin rəhbəri Eldəniz Yusifov “Neftçi”nin iddialarına cavab verib. Futbolxeber.az-ın məlumatına görə, Yusifov dünənki kubok oyununa görə “təyyarəçilər”ə texniki məğlubiyyət verilməsi haqda fikirləri qəbul etməyib: “Azərbaycan Premyer Liqasını və kuboku Peşəkar Futbol Liqası keçirir. Onlar işlərinin öhdəsin lazımınca gəlirlər. Hələ görüşdən əvvəl bu barədə müzakirə aparılmışdı. Şemonayev cəzasını başa vurub. O, mövsümün ilk yarısında “Xəzər Lənkəran”da çıxış edib. Bu komanda kubokda “Araz Naxçıvan” üzərində texniki məğlubiyyətə sevinib. Qaydalara əsasən, Şemonayevin də cəzası elə həmin oyunda başa çatıb. Bir sözlə, biz qaydalara uyğun hərəkət etmişik”.

Qeyd edək ki, “Neftçi”nin iddiasına görə Şemonayev son dəfə kubok oyununda meydana çıxdıqdan sonra cəzalı olub. O, ötən mövsüm ölkə kubokunda AZAL-ın heyətində “Qarabağ”a qarşı baş tutan oyunda qırmızı vərəqə alıb və 1 oyunluq cəzalanıb.

Mənbə: Sportpress.az