3 Aprel 2025, Cümə axşamı
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi
“Neftçi”, sabaha saxlama!

Ölkə futbolu

“Qəbələ”nin futbolçusu: “Meydana çıxıb, canımızı qoyduq”

Azərbaycan Premyer Liqasının XXIII turunda “Xəzər Lənkəran”la qarşılaşan “Qəbələ” əzmkar qələbə (3:1) sayəsində hesabına 3 xal yazıb. Futbolxeber.az-ın məlumatına görə, “Qırmızı-qaralar”ın ev oyununda vurduğu qollardan ikisinə müdafiəçilər imza atıb. Ekiqo Ehiosunun qolundan sonra əvvəl Ruslan Abışov, ardınca Ürfan Abbasov rəqib qapısına yol tapıb. Matçda son nöqtəni qoyan Abbasov qarşılaşma ilə bağlı fikirlərini gabalafc.az-la bölüşüb: “Xəzər Lənkəran”la oyun bizim üçün çox böyük əhəmiyyət daşıyırdı. Bunadək ardıcıl 3 oyunda xal qazanmadığımızdan bu dəfə qalib gəlməli idik. Məqsədimiz 3 xal idi. Biz də meydana çıxıb, canımızı qoyduq, bütün bacarığımızı nümayiş etdirib, əzmkar qələbə əldə etdik. Bu qələbə növbəti oyunlarda qazanacağımız uğurlara təkan olmalıdır. Növbəti qarşılaşmalara da yalnız 3 xal üçün çıxacağıq. Əsas tilsimi qırmaq idi ki, bunu bacarıb, uğursuzluq zolağından çıxdıq. Qarşıdakı görüşlərə daha yaxşı hazırlaşıb, bunun davamını gətirəcəyik”.

“Qəbələ”də ən çox oyun keçirən 10 futbolçudan biri olan Abbasov 83-cü matçında 2-ci qolunu vurub. Ötən mövsüm “Rəvan”la XXXI turun səfər qarşılaşmasında qola imza atan müdafiəçi ilk dəfə doğma meydanda fərqlənib: “Düzdür, “Xəzər Lənkəran”la qarşılaşmada qol vurdum. Amma əsas komandamızın qələbəsi idi. Buna da nail olduq. Açığı, hücumlara qoşulsam da, qol vuracağımı gözləmirdim. Çox sevinirəm ki, bunu bacardım və “Qəbələ”nin qələbəsində rolum oldu. Komandamın heyətində ilk dəfə ev oyununda qol vurdum. Fərqləndikdən sonra da sevincimi məhz azarkeşlərimizlə bölüşdüm. Doğma publika önündə fərqlənmək, sevincini onlarla bölüşmək çox gözəl, inanılmaz hissdir”.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30