“Qəbələ”ni Qriqorçuk çalışdıracaq

Dorinel Muntyanu ilə yollarını ayıran “Qəbələ”nin yeni baş məşqçisi müəyyənləşmək üzrədi. Futbolxeber.az-ın məlumatına görə, “Qəbələ” hazırda ukraynalı Roman Qriqorçukla danışıqlar aparır. 49 yaşlı məşqçi bu gün keçirilən “Qəbələ” - “Qarabağ” matçını canlı olaraq stadiondan izləyib. Onun tezliklə rəsmi müqaviləyə imza atacağı gözlənilir.

Qeyd edək ki, Qriqorçuk məşqçi karyerasına Latviyada başlayıb. 2 ili oynayan-məşqçi olmaqla o, “Dinaburq”da ümumilikdə 7 il çalışıb. Növbəti 4 ili 49 yaşlı məşqçi “Ventspils”də çalışıb. 2009-2010-cu illərdə Zaporojye “Metallurq”unda keçirən Qriqorçuk, son 4 ildə də Odessa “Çernomorets”ində çalışıb.