“Qarabağ”ın vəkili: “Tələbimiz yerinə yetirilsə, oyun yenidən keçiriləcək”

“Qarabağ”ın vəkili Gurur Günal Sportpress.az saytına açıqlama verib. Futbolxeber.az-ın məlumatına görə, o, “Qarabağ”ın oyununun yenidən keçirilmə ehtimalını dəyərləndirib:”Biz müraciətimizdə oyunun yenidən keçirilməsinə qərar verilməsini tələb etmişik. Əgər tələbimiz yerinə yetirilsə, oyun yenidən keçiriləcək. Görüntüləri izləyərkən də görünür ki, 93:12-ci saniyədə azarkeşlər "qol" deyə ayaga qalxır, tabloda da hesab 1:0 olaraq yazılır. Təxminən 30 saniyə sonra hakim köməkçiləri ilə danışaraq ofsayd qərarı verir. Bu 30 saniyədən sonra boşa gedən 18 saniyəlik bir vaxt da var. Bütün bunların nəzərə alınması lazımdı. Videoları təkrar-təkrar izləyərkən hamısı açıq-aşkar görünür. Bu iddialarımızı dəyərləndirsələr, oyunun nəticəsinin dəyişməsinə təsir edən vəziyyətin oldugu qənaətinə gəlsələr, etiramızı qəbul edəcəklər. Biz tələb etmişik ki, oyun yenidan keçirilsin. İddialarımızla razılaşsalar, bu, qəbul olunacaq”.