Xaqani Məmmədov: “Leroy Corc ofsaydda olsa belə, top rəqibə dəyib”

“6 hakimdan 3-ü epizodu görürdü. Köməkçi hakim görməliydi ki, top “İnter”in futbolçusuna dəyib. Leroy Corc ofsaydda deyildi. O ofsayd olsa belə, top rəqibə dəyib”. Futbolxeber.az-ın məlumatına görə, bu sözləri AFFA Hakimlər Komitəsinin sədri Xaqani Məmmədov deyib.

“Qarabağ”ın bu gün təşkil olunan mətbuat konfransına qatılan Məmmədov, “İnter”lə oyunun baş hakiminin səhvə yol verdiyini bildirib: “Baş hakim məsuliyyəti üzərinə götürməliydi. Qol hesaba alınmalıydı. Oyunun hakim-inspektor dedi ki, qol təmiz qol idi. Hakimlərə aşağı qiymət veriləcək. Bu o deməkdir ki, hakimlər cəzalanacaq. Üstəlik, əlavə 4 dəqiqə də oynanılmadı. Halbuki sona kimi artırılan vaxt oynanılmalı idi. Buna görə etiraz etmək olar”.