“Tahir Gözəl oyunçuların yanına gəlib, “başınızı uca tutun” - dedi”

“Qarabağ”ın üzvü Namiq Yusifov Avroliqanın qrup mərhələsinin son turu çərçivəsində “İnter”lə qolsuz bərabərə qaldıqları oyun haqda danışıb. Futbolxeber.az-ın məlumatına görə, Yusifov jurnalistlərə açıqlamasında matçla bağlı bunları deyib: “Oyun gözlədiyimizi kimi çox keçdi. Rəqibin “İnter” olduğunu nəzərə alsaq, düşünürəm ki, layiqli mübarizə apardıq . Hesab edirəm ki, qrupu 6 xalla başa vurmaq pis nəticə deyil. Sonluğun belə olması bizi çox məyus etdi. ”Dnepr” - ”Sent-Etyen” oyununda baş verənlərdən də xəbərdar idik. Sanki hər şey bizə qarşı idi. Klub rəhbərliyi də komandanı göstərdiyi oyuna görə təbrik etdi. Tahir bəy oyunçuların yanına gəlib, “başınızı uca tutun” - dedi”.