Yaşar Seyidov: “Hamı bilsin ki, heç bir futbolçu “Bakı”nı özbaşına tərk edə bilməz!”

“Bakı” klubunu icraçı direktoru Yaşar Seyidov qış fasiləsində bir neçə futbolçunun komandanı tərk edəcəyi haqda yayılan xəbərlərə münasibət bildirib. Seyidov Futbolxeber.az saytına verdiyi açıqlamada məsələ ilə bağlı bunları deyib: “Mətbuatda bu cür xəbərləri mütəmadi olaraq oxuyuruq. Bəzi futbolçuların açıqlamalarına da rast gəlirik. Amma unutmaq olmaz ki bütün futbolçuların “Bakı” klubu ilə imzaladığı müqavilə var. Yayda baş verən hadisələrə bir daha təkrarlanmayacaq. Hamı bilsin ki, heç bir futbolçu “Bakı”nı özbaşına tərk edə bilməz!”