“Qəbələ” əcnəbi mütəxəssislə danışıqlara başladı

“Qəbələ” klubu baş məşqçi axtarışlarını davam etdirir. Futbolxeber.az-ın məlumatına görə, Dorinel Munteanu ilə yollarını ayıran “Qəbələ”nin maraq dairəsində hazırda bir neçə məşqçi var. Amma baş məşqçi postuna əsas namizəd BATE-dəki işi ilə tanınan Viktor Qonçarenkodur. “Qəbələ” rəhbərliyi artıq belaruslu mütəxissis danışıqlara başlayıb.

Qeyd edək ki, son olaraq “Kuban”da çalışan 37 yaşlı məşqçi, daha əvvəl də “Qəbələ”nin maraq dairəsində olub. Amma həmin vaxt tərəflər razılığa gələ bilməyiblər.