10 dekabr - Ümumdünya futbol günü ilə əlaqədar Sumqayıtda tədbir keçirilib

10 dekabr - Ümumdünya futbol günü kimi qeyd edilir. Futbolxeber.az-ın məlumatına görə, bu günlə əlaqədar olaraq, "Azərikimya" İstehsalat Birliyi və "Sumqayıt" klubu futbolsevərləri sevindirib. Belə ki, "Kapital Bank Arena"da "Azərikimya" İstehsalat Birliyi və "Sumqayıt" FK-nun əməkdaşlarının birləşmiş komandası ilə Sumqayıt şəhərinin veteran futbolçuları arasında yoldaşlıq oyunu keçirilib. Qarşılaşmada "Sumqayıt" FK-nun baş məşqçisi Aqil Məmmədov, baş menecer Ceyhun Sultanov, texniki direktor Frank Bernhardt, məşqçilər - İlham Yadullayev, Samir Abasov, Etibar Tarıverdiyev Vəfadar Quliyev, İsmayıl Məmmədov, Azad Mütəllimov və başqa kimi simalar çıxış edib.

Maraqlı idman mübarizəsi şəraitində keçən görüş veteranların 5:4 hesablı qələbəsi ilə yekunlaşıb.

Oyundan sonra "Azərikimya" İB-nin Müşahidə Şurasının sədri, millət vəkili Muxtar Babayev, klubun vitse-prezidenti Vaqif Ömərov və Sumqayıtın veteran futbolçusu Telman Salahov iştirakçılara üzərində "Sumqayıt" FK-nun futbolçularının imzası olan topları hədiyyə edib. Sonda xatirə şəkli çəkdirilib.

"Azərikimya" İB və "Sumqayıt" FK-nun birləşmiş komandası bu heyətlə çıxış edib: Aqil Məmmədov, Frank Bernhardt, Ceyhun Sultanov, İlham Yadullayev, Etibar Tarıverdiyev, Samir Abasov, Vəfadar Quliyev, Nail Məmmədov, Orxan Məhərrəmli, Samir Nəsirov, Vüqar Məmmədov, Aydın Xəlilov, Vüqar Rüstəmov, Vidadi Rüstəmov.

Baş məşqçi: Vaqif Paşayev

Məşqçi: Hikmət Bağırov

Sumqayıt veteranlar klubu bu heyətlə çıxış edib: Fəxrəddin Həsənov, İsmayıl Məmmədov, Əvəz Süleymanov, Azər Mehdiyev, Ramin Hüseynov, Vüqar Quliyev, Telman Kərimov, Kənan Hacıyev, Zakir Rəşidov, Rəşad Muradov, Elxan Orucov, Azad Mütəllimov, Rəşad Mustafayev.

Baş məşqçi: Telman Salahov

Məşqçi: Ağamusa Bağırov