Almeyda: “Sabah çılğın olmayacağam”

“Qarabağ”ın “İnter”ə qarşı keçiriləcək oyunöncəsi mətbuat konfransında komandanın üzvü Riçard Almeyda da iştirak edib. Futbolxeber.az-ın məlumatına görə, braziliyalı futbolçu qarşılaşmaq haqda bunları deyib: "Bizi “İnter”ə qarşı sabah çox çətin oyun gözləyir. Rəqibin gücü hər kəsə bəllidir. Çalışacağıq ki, sabah ən yaxşı nəticəni qazanaq. Zədəli futbolçularımız da bizim qədər həyəcanlı olacaqlar. Onlar hər zaman bizə dəstək olurlar. Təbii ki, Reynaldonun olmaması bizim üçün ciddi itkidir. Ancaq bizim Vüqar, Muarem və Corc kimi futbolçularımız var. Məncə, onlar Reynaldonun yoxluğunu hiss etdirməyəcək. Meydançada olanda bütün gücümü ortaya qoyuram ki, komandam qalib gəlsin. Sabah o qədər də çılğın olmayacağam. Çalışacam ki, ən yaxşı keyfiyyətlərimi ortaya qoyum".