Rəşad Sadıqov: “Əlimizdən gələni edəcəyik ki, “İnter”lə oyunda yaxşı nəticə qazanaq”

“Qarabağ”ın kapitanı Rəşad Sadıqov Avroliqanın qrup mərhələsinin son turu çərçivəsində “İnter”ə qarşı keçiriləcək oyundan öncə UEFA-nın rəsmi saytına açıqlama verib. Futbolxeber.az-ın məlumatına görə, Sadıqov matçın çətin keçəcəyini bildirib: “A” seriyasında çıxış edən və Avropanın adlı-sanlı klubu olan “İnter”ə qarşı mübarizə aparmaq çox çətin olacaq. Əlimizdən gələn hər şeyi edəcəyik ki, yaxşı nəticə əldə edək. Azarkeşlərimiz qarşısında çıxış etmək məsuliyyətimizi daha da artırır. Deyirlər ki, “İnter”in baş məşqçisi Roberto Mançini heyətin əsas futbolçularını gətirməyəcək. Lakin bu, bizim üçün üstünlük sayılmır. Çünki oynamaq şansı tapan hər bir futbolçu özünü məşqçiyə yaxşı tərəfdən göstərməyə çalışacaq. Biz də heyətin 3 əsas futbolçusunu itirmişik. Onlar zədə səbəbindən oynamayacaqlar. Ona görə biz səbrli oyun nümayiş etdirəcəyik. Allah bizə yardım edər”.