Novruz Əzimov “Lokomotiv”in meydana 7 futbolçu ilə çıxmasının səbəbini açıqladı

"Ağsu” ilə oyuna 12 futbolçu ilə yollanmışdıq. Yolda uşaqlar üçün bəzi yeyəcək və şirələr aldıq. Ağsuya çatan kimi uşaqlardan bəzisi qarınağrısından şikayətlənməyə başladı”. Futbolxeber.az-ın məlumatına görə, Sportpress.az saytına verdiyi açıqlamada bu sözləri “Lokomotiv”in baş məşqçisi Novruz Əzimov deyib.

“Ağsu” ilə oyuna cəmi 7 futbolçu ilə çıxan, ikinci hissədə isə ümumiyyətlə meydanda görünməyən komanda üzvlərinin bu addımın Əzimov futbolçuların halının pisləşməsi ilə əlaqələndirib: “Oyunun hakim-inspektoruna da bu haqda məlumat verdim. Amma o dedi ki, heç oynamamaqdansa yarımçıq heyətlə meydana çıxmaq daha yaxşıdı. Yeməkdən zəhərlənməyə görə yeddi futbolçu ilə meydana çıxdıq. Lakin oyunu başa çatdıra bilmədik və fasilədən sonra oynamamağa qərar verdik. İndi Bakıya qayıdırıq. Amma hələ də futbolçularda qarın ağrısı var".

Xatırladaq ki, I divizionun 14-cü turu çərçivəsində “Ağsu” ilə oyuna cəmi 7 futbolçu ilə çıxan “Lokomotiv”, ilk yarıdan sonra qapısında iki qol görüb. Komanda ikinci hissəyə çıxmayıb.