Prosineçki: “U-21-in yeni baş məşqçisinin azərbaycanlı və ya əcnəbi olacağı hələ bəlli deyil”

21 yaşadək futbolçulardan ibarət milli komandamızın yeni baş məşqçisinin yerli və ya əcnəbi mütəxəssis olacağı hələ bəlli deyil. Bu haqda Futbolxeber.az saytına əsas millimizin baş məşqçisi Robert Prosineçki açıqlama verib: “AFFA rəhbərliyi bu məsələ haqda mənim fikrimi soruşub. Mən də öz təkliflərimi verəcəyəm. Eləcə də Məşqçilər Komitəsi bu haqda fikrini açıqlayacaq. Bu, çox vacib məsələdi. Çünki U-21-dən sonra bir çox futbolçular əsas milliyə cəlb olunurlar. Mən fikrimi demişəm. Amma indidən adlar haqda danışa bilmərik. Ona görə ki, U-21-in yeni baş məşqçinin azərbaycanlı, yoxsa əcnəbi olacağı da bəlli deyil”.