Türkiyədə çıxış edən həmyerlimiz seçim qarşısında

Hazırda Türkiyənin “Serhatardahanspor” klubunda çıxış edən həmyerlimiz Elnar Kərimov tezliklə klubunu dəyişə bilər. Futbolxeber.az-ın məlumatına görə, bir müddətdir şərəfini qoruduğu “Serhatardahanspor”dakı inamlı çıxışı sayəsində həmyerlimiz Türkiyədə digər klubların da diqqətini cəlb edib. Həmin komandalardan biri Elnarla ciddi şəkildə maraqlanır. Hətta qarşıdakı 10-15 gün ərzində keçid rəsmiləşə də bilər. Digər tərəfdən isə Kərimovun vətənə qayıtmaq ehtimalı da var. Premyer Liqa klublarından biri onun xidmətində maraqlıdır. Hələlik Kərimovun “Serhatardahanspor”da qalıb-qalmayacağı, ya da karyerasını hansı klubda davam etdirəcəyi qeyri-müəyyəndir.