Mahmud Qurbanovdan Kamran Ağayev haqda şok açıqlama

Avro-2016-nın seçmə mərhələsi çərçivəsində Norveçə qarşı keçirilən oyundan öncə Kamran Ağayev millinin düşərgəsinə gec qoşulub. Futbolxeber.az-ın məlumatına görə, bu haqda millinin müvəqqəti baş məşqçisi postunu tutan Mahmud Qurbanov açıqlama verib. Qurbanov Ağayevin yığmanın düşərgəsindən uzaqlaşdırmalı olduğunu bildirib: “Noyabrın 4-ü komanda bir araya gəldi. Yalnız Kamran Ağayev heç kimə heç nə demədən toplanışa ertəsi gün qatıldı. Bildirdi ki, təxirəsalınmaz işi olub. Halbuki əvvəldən hamıya deyilmişdi ki, bircə ölüm-itim olsa, düşərgəyə gec gələ bilərlər. Bütün işlərini oyundan sonraray saxlasınlar. Mən Kamranı millinin düşərgəsindən qovmalıydım. Sadəcə məsul oyun öncəsi ab-havanı pozmaq istəmədim. Deyəcəkdilər ki, 1 oyunluq gəldi, aranı qatdı, getdi. Bəlkə də səhv etdim. Futbolçular anlamalıdılar ki, nə edirlərsə ilk növbədə özlərinə edirlər. Kamran Ağayev bu hərəkəti niyə Foqtsun millini çalışdırdığı 6 ildə etmişdi? Bəlkə ona elə gəlir ki, yerli məşqi olanda, istədiyini edə bilər” (Futbol+).