Benjamin Lambot: “Qarabağ”a məğlubiyyətə görə utanmamalıyıq”

“Oyuna çox yaxşı başladıq. Erkən qol da vurduq. Amma adi bir səhv hər şeyi korladı. Bundan sonra çətin olacağını bilirdik. Çünki “Qarabağ” güclü rəqibdir”. Futbolxeber.az saytına verdiyi açıqlamada bu sözləri “Simurq” yarımmüdafiəçisi Benjamin Lambot deyib.

“Qarabağ”a 2:3 hesabı ilə uduzduqları oyun barədə danışan belçikalı futbolçu, yenilgiyə görə utanmalı olmadıqlarını bildirib: “Hər iki komanda qələbə qazanmaq istəyirdi. Buna görə də azarkeşlər bol qollu matça şahidlik etdiklər. “Qarabağ”ın heyətində Emeqara çox inamlı təsir bağışlayırdı. Ardıcıl 3 çətin oyun keçirdik. “Neftçi” və “Qəbələ”yə qalib gəlsək də, “Qarabağ”a uduzduq. Məncə, bu nəticəyə görə utanmalı deyilik. Göstərdik ki, “Simurq” güclü rəqiblərə qarşı da oynaya bilir”.

Lambort “Simurq”un Avroliqaya vəsiqə qazanacağına inandığını bildirib: “Bu cür davam etsək, həmçinin qışda heyətimizi 1-2 futbolçu ilə gücləndirə bilsək, Avroliqaya yollana bilərik. “Simurq”un buna gücü çatar”.