Adrian Skarlatake məşqlərə başladı, Rauf Əliyev müalicə alır.

XIV turda “Araz Naxçıvan”la qarşılaşmalı olan “Xəzər Lənkəran” Muxtar Respublika təmsilçisinin çempionatdan çəkilməsi səbəbindən bu tur məcburi istirahət edəcək. Futbolxeber.az-ın klubun rəsmi saytına istinadən verdiyi məlumata görə, Lənkərandakı bazasının hər iki meydançasının təmirə dayanması səbəbindən komanda paytaxtda hazırlığını bərpa edib. Artıq üç gündür ki, “Bayıl Arena”da məşqlərə başlayan lənkəranlılar gündə bir dəfə olmaqla taktiki və fiziki planda çalışmalarını davam etdirir. Zədəli futbolçulardan  Adrian Skarlatake artıq fərdi məşqlərə başlasa da, Rauf Əliyev hazırlıqdan kənar qalaraq müalicə alır.