“Sent Etyen” - “Qarabağ”: oyunsonrası mətbuat konfransında qalmaqal

Avroliqanın beşinci turu çərçivəsində keçirilən “Sent Eyten” - “Qarabağ” oyunundan sonra baş tutan mətbuat konfransında qalmaqal yaşanıb. Futbolxeber.az-ın Fransaya ezam olunmuş əməkdaşının verdiyi məlumata görə, yerli jurnalistlərdən birinin “Sent Etyen”in çalışdırıcısı Kristof Qaltyeyə verdiyi sual məşqçinin xoşuna gəlməyib. Tərəflər arasında mübahisə yaşanıb. Həmin azərbaycanlı jurnalsitlərə tərcümə olunmayıb. Lakin Futbolxeber.az-ın əməkdaşı sonradan məsələnin mahiyyətini öyrənib. Bəlli olub ki, Qaltyeyə verilən sual bu gün məhkəmə tərəfindən 1 aylıq həbs cəzasına layiq görülən “Bastiya”nın hücumçusu Brandao ilə bağlı olub. Bu sualın Qaltyeyə verilməsi də səbəbsiz deyil. Çünki braziliyalı forvard son 2 ili məhz “Sent Etyen”də keçirib. Qaltyenin jurnalistə cavabı isə belə olub: “Öz işinizlə məşğul olun”.