Qurban Qurbanov: “İstərdim ki sərəncamımda daha çox futbolçu olsun”

"Oyun çox çətin keçəcək. Üstəlik, biz səfərdə oynayırıq”. Futbolxeber.az-ın məlumatına görə, bu sözləri “Qarabağ”ın baş məşqçisi Qurban Qurbanov deyib.

Sabah Avroliqanın beşinci turu çərçivəsində keçiriləcək oyun barədə danışan təcrübəli mütəxəssis, itkilərdən də söz açıb: “Oyun üçün yaxşı taktika qurmalı və sərfəli nəticə qazanmalıyıq. Təbii ki, heyətimizdəki itkilərin bizə təsiri olacaq. Lakin başqa variantımız yoxdur. Vəziyyəti real olaraq qiymətləndirməliyik. İki cəbhədə mübarizə apardığımızı nəzərə alsaq, istərdim ki sərəncamımda daha çox futbolçu olsun. Oyunçuları qarşılaşmaya psixoloji cəhətdən yaxşı hazırlaşdırmalıyıq”.