Oğuz Çətin: “Qol vurmaq çox önəmlidir”

“Elə oyunlar var ki, daha çox mübarizə aparmalısan. Biz bu gün fiziki cəhətdən güclü, yaxşı müdafiə olunan komandaya qarşı oynadıq”. Futbolxeber.az-ın məlumatına görə, bu sözləri “Simurq”la oyundan sonra “Xəzər Lənkəran”ın baş məşqçisi Oğuz Çətin deyib.

Türkiyəli mütəxəssis məqsədlərinin növbəti oyunlara daha yaxşı hazırlaşmaqdan ibarət olduğunu qeyd edib: “Mübarizə aparmaqla yanaşı, qol vurmaq çox önəmlidir. Son oyunlarda rəqibdən asılı olmayaraq, qol vururuq. Rəqiblərimizlə xal fərqini aradan qaldırmaqdayıq. Məqsəd fasilədən istifadə edib, növbəti görüşlərə daha yaxşı hazırlaşmaqdır”.