Çempionlar Liqasında rekord qeydə alınıb

UEFA Çempionlar Liqasının 2026/27 mövsümünün Liqa mərhələsinin 2-ci turunda turnirin tarixi ərzindəki məhsuldarlıq rekordu qeydə alınıb.

Futbolxeber.az saytının məlumatına görə, bu barədə qitə futbol qurumu açıqlam yayılıb.

Bildirilib ki, tur çərçivəsində keçirilən 18 qarşılaşmada ümumilikdə 78 qol vurulub. Bu isə hər oyuna orta hesabla 4,33 qol deməkdir. Göstərici turnirin tarixində yeni rekorddur.

Ən məhsuldar qarşılaşma “Liverpul”un LASK-a 6:3 hesabı ilə qalib gəldiyi oyun olub. “Brügge” - “İnter” (4:3), “Real” - “Roma” (4:3), “Aston Villa” - “Fənərbaxça” (6:0), “Bavariya” - “Vikinq” (3:3) və PSJ - “Mançester Siti” (4:2) matçları da bol qollu keçib.

Əvvəlki rekord ötən mövsümün Liqa mərhələsinin 3-cü turunda qeydə alınmışdı. Həmin vaxt 18 görüşdə 71 qol vurulmuşdu (orta hesabla 3,94 qol).

Xatırladaq ki, Çempionlar Liqasının formatı 2024/25 mövsümündən dəyişdirilib. Qrup mərhələsi 36 komandanın iştirak etdiyi Liqa mərhələsi ilə əvəzlənib. Nəticədə hər turdakı oyunların sayı 16-dan 18-ə yüksəlib.