Elçin Məsiyevin idarə etdiyi oyunda “Omoniya” sevindi

UEFA Avropa Liqasının Liqa mərhələsində ikinci turun oyunları keçirilib.

Futbolxeber.az saytının məlumatına görə, “Çelye” (Sloveniya) - “Omoniya” (Kipr) matçını FİFA referisi Elçin Məsiyev idarə edib. Ona yan xətt hakimləri kimi Elşad Abdullayev və Pərvin Talıbov kömək ediblər. Fərid Hacıyev dördüncü hakim, Nicat İsmayıllı isə VAR hakiminin köməkçisi (AVAR) funksiyasını yerinə yetirib.

Matç “Omoniya”nın 3:0 hesablı qələbəsi ilə başa çatıb. Oyunun gedişində hakimlər briqadası hər iki komandanın bir qolunu ləğv edib. 9-cu dəqiqədə “Omoniya”dan Dioninin qolu əllə oyuna görə, 45+1-ci dəqiqədə isə “Çelye”dən Kramerin qolu ofsayt səbəbindən ləğv edilib.