Tahir Gözəl: “Qurban Qurbanov istəsə, qışda yeni transferlər olacaq”

“Komandanın bugünkü oyununu bəyəndim. Hər şey yaxşı idi”. Futbolxeber.az-ın Sportpress.az-a istinadən verdiyi məlumata görə, bu sözləri “Qarabağ”ın vitse-prezidenti Tahir Gözəl deyib.

Ağdam klubunun “Xəzər Lənkəran” üzərindəki qələbəsini şərh edən T.Gözəl yeni transfer Emeqara haqda da fikirlərini açıqlayıb: “Qarabağ” oyuna yaxşı başladı. Bunun da nəticəsində erkən qollar vurmağa müvəffəq olduq. Amma 3:0-dan sonra rəqib daha yaxşı oynadı. Emeqara da yaxşı oynadı. Amma hələ daha da artırmalıdır. Uyğunlaşması bir qədər vaxt alacaq. Ümumi götürdükdə, yaxşı oynadı”.

Gözəl “Qarabağ”ın qışda mümkün transferlərindən də söz açıb: “Qarabağ”ın Azərbaycanda özəl sevgiyə sahib olduğunu bilirik. Qış transfer pəncərəsində komandada yeni futbolçular peyda ola bilər. Büdcəylə bağlı hər hansı bir problemimiz yoxdur. Bütün səlahiyyətlər baş məşqçidədir. Qurban Qurbanov istəsə, komandaya yeni oyunçular alınacaq”.