Meneceri açıqladı: “Federasiya bu gün Muntyanuya millini çalışdırmağı təklif etdi”

“Qəbələ”nin baş məşqçisi Dorinel Muntyanu Rumıniya Futbol Federasiyasından təklif alıb. Futbolxeber.az-ın məlumatına görə, bu haqda rumın mütəxəssisin meneceri xəbər yayıb. Leonid İstrati tvitterdə bu haqda yazıb: “Bu gün Rumıniya Futbol Federasiysı Dorinel Muntyanuya Angel İordenesku ilə birgə millini çalışdırmağı təklif edib. Bu təklif cəlbedici olsa da, Muntyanunun “Qəbələ” ilə müqaviləsi var. Odur ki, biz federasiyanın təklifinə “yox” dedik”.

Qeyd edək ki, Rumıniya KİV-inin iddiasına görə millini çalışdırmağa hazırda ən real namizəd Kosmin Kontra və Mirça Luçeskudur.