“Qəbələ” barədə ümumiyyətlə danışmaq istəmirəm, çünki...”

“Oyun barədə nə deyə bilərəm? Mən futbolçulardan razıyam. Biz 10:1 hesabı ilə uduzsaydıq belə, mən bu sözləri deyəcəkdim”. Futbolxeber.az-ın məlumatına görə, bu sözləri “Qəbələ” ilə oyundan sonra “Sumqayıt”ın baş məşqçisi Aqil Məmmədov deyib.

Gənc məşqçi hakimlərin kobud səhvlərlə yadda qaldığını bildirib: “Düşünürəm ki, hakimlər oyuna təsir etdilər. Məncə, bizim topu qapıdan keçirdiyimiz epizodda qol qeydə alınmalı idi. “Qəbələ”nin ikinci qolunda qayda pozuntusu vardı. Mən durduğum yerdən görürdüm ki, bizim vurduğumuz qol qaydalar çərçivəsindədir.  “Qəbələ” barədə ümumiyyətlə danışmaq istəmirəm. Çünki “Qəbələ”  bu gün qələbəyə layiq deyildi”.