“İtkilərə baxmayaraq, sabah “Bakı” azarkeşlərini sevindirmək üçün əlimizdən gələni edəcəyik”

“Bizi sabah çətin oyun gözləyir. Onsuz da çempionatdakı hər bir oyun bizim üçün asan keçmir”. Futbolxeber.az saytına verdiyi açıqlamada bu sözləri “Bakı”nın baş məşqçisi İbrahim Uzunca deyib.

Türkiyəli mütəxəssis heyətdəki itkilərdən də danışıb: “Heyətimizdə bəzi itkilər var. Travner şəxsi işlərinə görə vətəninə yollanıb və hələ də geri qayıtmayıb. Elşad Manafov cəzalıdır. Üstəlik Eltun Hüseynovun da zədəsi var. Bütün bunlara baxmayaraq, sabah bütün gücümüzü meydanda qoyacağıq. Azarkeşlərimizi sevindirmək üçün əlimizdən gələni edəcəyik. Sevindirici haldır ki, Jabanın sənəd işləri həll olunub. Sabah onun təcrübəsindən istifadə etməyə çalışacağıq”.