“Dnepr”in baş məşqçisi: “Futbolçuları xəbərdar etsək də, "Qarabağ"ı qiymətləndirmədilər”

“Qarabağ” bu gün daha çox qələbə arzusundaydı. Hələ Bakıdakı oyun haqda danışmaq tezdir. Çünki ona kimi kubokda və “Dinamo”ya qarşı oyumuz var”. Futbolxeber.az-ın məlumatına görə, bu sözləri “Qarabağ”la oyundan sonra “Dnepr”in baş məşqçisi Miron Markeviç deyib.

Markeviç Ağdam klubunun çıxışını bəyəndiyini bildirib: “Bir oyuna görə “Qarabağ” haqda nəsə demək çətindir. Komanda yaxşı təşkilatlanıb. Demək lazımdır ki, bu, bizim ən pis oyunumuz idi. “Qarabağ” müdafiədə səliqəli oynayaraq, bizə şans yaratmadı. Bu komandanı bəyəndim”.

“Rəqibin qiymətləndirilməməsi mümkündür” sualını Markeviç belə cavablandırıb: “Bəlkə də belə idi. Qiymətləndirilmədi. Halbuki biz futbolçuları xəbərdar etmişdik. “Qarabağ” yaxşı komandadır, onlar “Sent Etyen”i məğlub etməliydilər”.