“İdman Azərbaycan”dan “Neftçi” və “İnter” azarkeşlərinə şad xəbər

Azərbaycan Premyer Liqasının 9-cu turu çərçivəsində keçiriləcək oyunlardan əvvəldən nəzərdə tutulduğu kimi ikisi deyil, üçü “İdman Azərbaycan” kanalı vasitəsi ilə azarkeşlərə canlı olaraq təqdim ediləcək. Futbolxeber.az-ın məlumatına görə, sabah keçiriləcək “Qəbələ” - “Sumqayıt” (17:00) və bazar günü baş tutacaq “Qarabağ” - “Xəzər Lənkəran” (18:00) matçlarının yayımlanacağı əvvəldən bəlli idi. Bu 2 oyunla yanaşı, azarkeşlər “Neftçi” - “İnter” matçına da televiziya vasitəsi ilə tamaşa edə biləcəklər. Sözügedən qarşılaşma oktyabrın 26-sı, saat 16:00-da start götürəcək.