"Dnepr”in ulduzu Azərbaycan millisində oynamaq istəsə də, AFFA razılaşmadı"

Ukrayna milli komandasının və “Dnepr”in ulduzu Yevgeni Konolyanka daha əvvəl Azərbaycan yığmasının şərəfini qorumaq istəyib. Futbolxeber.az-ın Azerifootball.com-a istinadən verdiyi məlumata görə, belə bir şok açıqlama ilə hazırda “Şaxtyor”un uşaq məktəbində çalışan Şahin Səfixanov çıxış edib: “Yevgeninin 17 yaşı olanda mən onu Azərbaycana gətirmək istəyirdim. Futbolçu və atası buna razı idi. Həmin vaxt Konoplyanka “Dnepr”in əvəzedici heyətində çıxış edirdi. Mən onun böyük istedada sahib olduğunu görürdüm. AFFA-dan mənə bildirdilər ki, bu oyunçu “rus”du. Türk olmadığı üçün onu milliləşdirmək çətin olacaq. Azərbaycanın aparıcı klubları isə Konoplyankanın xidmətinə ehtiyac duymadılar. Onlar futbolçunun yaşından narazı idilər. Axı, Azərbaycan klublarına yalnız təcrübəli futbolçular lazımdır”.

Qeyd edək ki, Konoplyankanın hazırda 25 yaşı var.