“İnter”in yeni idman direktoru noyabrda müəyyənləşəcək

“İnter” klubu məlumat yayıb. Futbolxeber.az-ın məlumatına görə, bəyanatda klubun daim yeniliklərə açıq olduğu, inzibati strukturlarda aparılacaq istənilən dəyişikliklərin ümumi inkişaf strategiyasına bağlı olduğu qeyd olunub. Həmçinin vurğulanıb ki, cari ilin noyabr ayında “İnter”də idman direktorunun da vəzifələrini əhatə edəcək idman məsələləri üzrə yeni rəhbər şəxs fəaliyyətə başlayacaq. Komandanın inzibati heyətindən ayrılacaq şəxslərin adları da həmin yeni fəaliyyətə başlayacaq rəhbər şəxsin kadr siyasətinin istiqamətlərindən asılı olacaq.

“İnter” PİK-in rəhbərliyi xüsusilə vurğulayır ki, klubun inkişaf məsələləri daim diqqət mərkəzindədir və inkişafa töhvə verəcək istənilən əməkdaşlarla bundan sonra da işləməyə razı olacaqlar.