“Partizan” - “Neftçi” matçının hakimi “Qarabağ”ın oyununda

Avroliqanın qrup mərhələsinin üçüncü turu çərçivəsində keçiriləcək “Dnepr” - “Qarabağ” matçının baş hakimi Libor Kovarik azərbaycanlı futbolsevərlərə tanışdır. Futbolxeber.az-ın məlumatına görə, o, 2012-2013 mövsümündə Avroliqanın qrup mərhələsinin ilk turu çərçivəsində baş tutan “Partizan” - “Neftçi” görüşünü idarə edib. Qolsuz başa çatan həmin görüşdə çex referi “Neftçi”nin 3 futbolçusunu sarı vərəqəylə cəzalandırıb.

Kovarikin yolu Ukrayna klubları ilə 1 dəfə kəsişib. 2011-2012 mövsümündə Avroliqanın qrup mərhələsi çərçivəsində onun idarə etdiyi matçda “Vorskla” Belçika təmsilçisi “Standard”a 1:3 hesabı ilə boyun əyib.