7 il əvvəlki tarixi oyun: “Bakı” - “Neftçi” 5:1 (Nostalji)

Bu gün “Bakı”nın “Neftçi” üzərindəki tarixi qələbəsindən 7 il ötür. Futbolxeber.az-ın məlumatına görə, 2007-ci ilin 20 oktyabrında “Bakı” “ağ-qaralar”ı 5:1 hesabı ilə darmadağın edib. Bu, “Neftçi”nin müstəqillik dövründə ölkə çempionatlarında aldığı ən ağır yenilgidir. 5:1 sonralar “Bakı” ilə bir çox uğurlara imza atan, hətta qısa müddət millimizi çalışdıran Coko Haciyevskinin Azərbaycan futbolunda möhürü idi. Həmin vaxt “Neftçi”də kimlər çıxış etmirdi ki...Zaur Tağızadə, Rəşad Sadıqov, Rəşad Sadiqov, Branimir Subaşiç, Georgi Adamiya, Rail Məlikov, Vladimir Miçoviç, Aqil Məmmədov və başqaları. Komandanı isə Vlastimil Petrjela çalışdırırdı.

“Bakı”nın şərəfini isə o oyunda Orxan Mirzəyev, Andre Ladaqa, Leandro Qomeş, Əhməd Ticani, Ramal Hüseynov, Rafael Əmirbəyov, Cəmşir Məhərrəmov, İlqar Əbdürrəhmanov, Elnur Abbasov və başqaları qoruyurdu.

Əlavə edək ki, hazırda AFFA prezidenti olan Rövnəq Abdullayev o zaman eyni postu “Neftçi”də tuturdu. PFL rəhbəri Ramin Musayev isə “ağ-qaralar”ın vitse-prezidenti idi. İlk yarıdan sonra komandasının böyükhesabla uduzmasını qəbul edə bilməyən klub prezidenti fasilədə stadionu tərk etmişdi...