Ramin Musayev: “Hər zaman çalışmışıq ki, ən güclü qalib olsun”

“Hər kəsi salamlayıram. Bütün klublara uğur arzu edirəm. Layiq olan kuboku qazansın”. Futbolxeber.az-ın məlumatına görə, bu sözləri Peşəkar Futbol Liqasının prezidenti Ramin Musayev deyib.

Musayev son illər Azərbaycanda ən layiqli komandanın həm kubokda, həm də çempionatda qalib adını qazandığını vurğulayıb:” Biz hər zaman çalışmışıq ki, ən güclü qalib olsun. Bəzən hansısa komandaya dəstək olduğu barədə iddialar səslənir. Amma belə deyil. Son illər hər zaman ən layiqli komanda Azərbaycanda uğur qazanıb. Bu da özünü avrokuboklardakı nəticələrdə göstərir. Düşünürəm ki, cari mövsümdə “Neftçi” və “İnter” avrokuboklarda hakim səhvələrinin qurbanı oldu”.