Şəhriyar Məmmədyarov: “Qurban Qurbanova millidə şans verilməlidir" EKSKLÜZİV

Tanınmış şahmatçı Şəhriyar Məmmədyarov milli komandamızın AVRO-2016-nın seçmə mərhələsi çərçivəsində Xorvatiyaya 0:6 hesabı ilə uduzduğu oyun barədə danışıb. Futbolxeber.az saytına verdiyi açıqlamada Məmmədyarov yenilginin ona çox pis təsir etdiyini bildirib: “Təbii ki, millimizin məğlubiyyəti mənə çox pis təsir etdi. Xorvatiya millimizin qapısına beşinci qolu vurduqdan sonra çox pis oldum. 59-cu dəqiqədən sonra oyuna baxmaq istəmədim. Adam xarici şahmatçıların yanında futbola baxmağa utanır”.

Tanınmış idmançı millimizdə baş məşqçi dəyişikliyinin tərəfdarı olduğunu qeyd edib: “Məncə, artıq dəyişiklik etməyin vaxtıdır. “Qarabağ” avrokuboklarda çox yaxşı nəticə göstərir. Düşünürəm ki, Qurban Qurbanova şans vermək olar. Onun rəhbərliyi altında “Qarabağ” inamlı çıxış edir. Millidə də eyni uğurlara imza ata bilər”.