“İnter”in baş məşqçisi: “Qarabağ” qrupda ikinci yeri tuta bilər”

"Hamıya təşəkkür edirəm. Çətin və güclü komandaya qarşı mübarizə apardıq". Futbolxeber.az-ın Apasport.az-a istinadən verdiyi məlumata görə, bu sözləri “İnter”in baş məşqçisi Valter Mazzari deyib.

 “Qarabağ” Avropa Liqasının qrup mərhələsində ikici oyununu keçirib. Təmsilçimizin rəqibi “İnter” olub. Milan şəhərində Ağdam klubu 2:0 hesabı ilə uduzub.

Oyundan sonra keçirilən mətbuat konfransında Mazzari komandasının qələbəsini belə şərh edib: “Artıq bəzi futbolçularımız meydana çıxa bilməmişdilər. Palasio, Ernanes kimi futbolçular yorgun idilər. Onlar növbəti oyunlarda bizə kömək edə biləcəklər. Komandamın yaxşı oynadığını düşünürəm. Bütün görüşlərdə qələbə qazanmalıyıq. Biz növbəti mərhələyə keçməkdə iddialıyıq”.

Mazzari Qarabağın işğal olduğundan xəbərdardır: “Qarabağ”ın “Sent-Etyen”lə görüşünü izləmişəm. Çox bəyənmişdim. Bu gün komandanız yaxşı oynadı. “Qarabağ” mərhələ adlaya bilər. Hətta qrupda ikinci yeri də tutmağı bacarar. Qarabağın işğal olduğunu bilirdim. Amma bu barədə geniş danışmaq istəmirəm. Hər bir komandanın öz üslubu var. “Qarabağ” A seriyasının hansısa klubu ilə müqayisə edə bilmərəm”.